Handelingen van apostels 07
54 Dou ze dit heurden, werden ze hoagels op hom en ze knaarsden mit tanden van grammiedeghaid.
55 Mor hai ston doar, vol van hillege Gaist. Hai keek stief noar hemel, zag God zien stroalend licht, en doar ston Jezus aan God zien rechterhaand.
56 Hai zee: "Kiek es! Ik zai hemel open en k zai Menskenzeun stoan aan God zien rechterhaand."
57 Mor zai begunden haard te roupen, stopten vingers in oren en stoven as ain man op hom òf.
58 Ze sleepten hom tou stad oet en smeten hom mit stainen. Getugen haren heur mantels deellegd bie n jongkerel dij Saulus haitte.
59 Dou ze Stefanus mit stainen doodsmeten, beedde hai nog: "Heer Jezus, ontvang mien gaist."
60 Hai vuil op knijen en raip hail haard: "Heer, reken heur dit kwoad nait aan!" Noa dizze woorden haar e t ter tou doan.
|